Новости БПРОиН

З нагоды самага пяшчотнага і кранальнага свята – Дня маці – у гімназіі № 1 горада Дзятлава прайшло шанаванне матуляў – шматдзетных, чые дзеці дасягнулі поспехаў, якія ўзнагароджаны ордэнам Маці, прыёмных.

Кветкі, песні, шчырыя віншаванні, усмешкі – усё ў гэты дзень для іх. Павіншаваць мамаў са святам і ўручыць прыемныя падарункі прыйшлі кіраўніцтва раёна на чале са старшынёй райвыканкама Андрэем Садоўскім, прадстаўнікі грамадскіх аб’яднанняў.

Па-дамашняму цёплую і ўтульную атмасферу стварылі арганізатары сустрэчы ў актавай зале гімназіі. Пакінуўшы на некаторы час усе свае справы і клопаты, запрошаныя матулі акунуліся ў сапраўднае свята, змаглі яшчэ мацней адчуць, наколькі важная іх місія ў жыцці – быць мамай.

Пажадала даўжэй жыць, радавацца поспехам сваіх дзяцей, моцнага здароўя, усмешак кожны дзень старшыня раённай арганізацыі Беларускага прафсаюза работнікаў адукацыі і навукі Тамара Юранкова.

В преддверии Дня Матери и Дня отца во всех первичных профсоюзных организациях стартуют Республиканские профсоюзные акции «Поздравим маму вместе!» и «Поздравим папу вместе!».

Напомним, 14 октября Беларусь масштабно отметит День матери, а 21 октября – День отца.

Традиционная и всеми любимая акция «Поздравим маму вместе!» в прошлом году дополнилась аналогом «Поздравим папу вместе!». Теперь у членов профсоюза есть возможность поздравить не только мам и бабушек, но также пап и дедушек – любой желающий может заполнить поздравительную открытку и отправить ее близким.

Для скачивания открыток нажмите на изображение
  

Для скачивания открыток нажмите на изображение

Республиканские профсоюзные акции «Поздравим маму вместе!» и «Поздравим папу вместе»» помогают сохранять, укреплять и популяризовать семейные ценности. Они развивают интерес к изучению исторического и культурного наследия своей семьи. Вместе с тем подобные мероприятия формируют у людей духовно-нравственные качества, воспитывают уважение к старшему поколению и ветеранам труда.

З першага дня свайго старту ў педагагічную прафесію, амаль тры дзесяцігоддзі, у Гезгалаўскай сярэдняй школе працуе наша зямлячка Ірына Шумская, прычым апошнія 12 гадоў Ірына Мікалаеўна з’яўляецца намеснікам дырэктара па вучэбнай дзейнасці, паралельна ўжо чвэрць стагоддзя трэніруе школьную каманду інтэлектуалаў, якой пакараюцца і “рэспубліканскія вяршыні”.

Сёлета на раённай жнівеньскай педагагічнай нарадзе Ірына Мікалаеўна адзначана чарговай заслужанай узнагародай – граматай Міністэрства адукацыі Рэспублікі Беларусь.

Святочны агеньчык “Ад шчырага сэрца” напярэдадні Дня настаўніка “запалілі” тут вучні і педагогі школы для ветэранаў працы, якія не адно дзесяцігоддзе прысвяцілі рабоце ва ўстановах адукацыі Дзятлаўшчыны.

Павіншаваць іх са святам прыйшлі намеснік начальніка аддзела адукацыі райвыканкама Таццяна Умоўская, метадыст аддзела Кацярына Гайдук, старшыня раённай арганізацыі Беларускага прафсаюза работнікаў адукацыі і навукі Тамара Юранкова.

– Вы – наш гонар, вы – мудрасць, залаты фонд, вы – тыя людзі, якія стварылі традыцыі ў адукацыі Дзятлаўшчыны. Многія і сёння актыўныя, ініцыятыўныя, працуюць, прымаюць удзел у грамадскай дзейнасці раёна, выхоўваюць моладзь і перадаюць свой неацэнны вопыт. Мы захаваем вашу працу, прадоўжым традыцыі. Дзякуй вам за ўсё, пашана вам і гонар за тое, што вы былі і ёсць, –  адзначыла ў сваім віншаванні Таццяна Аляксандраўна. Яна пажадала ветэранам моцнага здароўя, невычэрпнай энергіі, бясконцага душэўнага цяпла ад увагі блізкіх людзей.

Шмат слоў удзячнасці і прызнання гучала ў адрас мудрых людзей ад гасцей і вядучых мерапрыемства. Было і традыцыйнае ўшанаванне педагогаў-юбіляраў, і цёплы чай у халодны восеньскі дзень, і размовы-ўспаміны, якія грэлі душу, і прыемныя жарты, і жаданыя сустрэчы, і сардэчныя пажаданні. Нават імправізаваны экзамен трымалі педагогі-ветэраны, песні сваёй маладосці таксама спявалі разам. Ужо па традыцыі чытала свае творчыя радочкі калегам Раіса Лакіза. І абавязкова вялікі дзякуй тым, хто заснаваў гэту добрую традыцыю ў раёне – Раісе Ганчарэвіч і Яўгеніі Савань.

Не гасне душа з гадамі, бо настаўнікі ніколі не старэюць, запаліўшыся агеньчыкамі маладосці ад сваіх вучняў. Дык няхай і надалей гарыць гэты агеньчык і склікае на сваё святло ўсіх тых, хто нясе яго праз сваё жыццё.